Rreth Zyrës së Cilësisë në Kolegjin Riinvest
Zyra e Cilësisë është përgjegjëse për organizimin e procesit të vlerësimit dhe përmirësimit të vazhdueshëm të cilësisë në bashkëpunim me stafin akademik dhe administrativ. Ajo siguron që të gjitha veprimtaritë e kolegjit të zhvillohen në përputhje me standardet kombëtare dhe ndërkombëtare, duke u bazuar në Standardet dhe Udhëzimet Evropiane për Arsimin e Lartë (ESG) dhe legjislacionin në fuqi të Kosovës. Si një strukturë e pavarur, Zyra e Cilësisë mbikëqyret nga Komisioni për Sigurimin e Cilësisë dhe i raporton Rektorit të Kolegjit.
Detyrat Kryesore të Zyrës së Cilësisë
Organizimi i vlerësimit të brendshëm dhe të jashtëm të institucionit
Komunikimi me palët e jashtme për akreditimin institucional dhe programor
Mbikëqyrja e zhvillimit të programeve të reja akademike
Sigurimi i cilësisë në:
mësimdhënie dhe mësimnxënie
shërbime administrative dhe infrastrukturë
kërkim shkencor
komunikim të brendshëm dhe të jashtëm
bashkëpunim ndërkombëtar
Implementimi i proceseve të drejta dhe transparente
Sigurimi i cilësisë në mbledhjen dhe analizën e informacionit për menaxhim efikas
Nivelet e Vlerësimit
Procesi i vlerësimit të brendshëm në Riinvest është ndërtuar sipas planit strategjik dhe në harmoni me parimet e ESG, duke përfshirë tre nivele të vlerësimit:
Niveli Institucional
Pyetësorë për studentët për vlerësimin e institucionit
Pyetësorë për stafin akademik dhe administrativ
Niveli i Programeve
Pyetësorë për studentët për vlerësimin e lëndëve dhe mësimdhënësve
Pyetësorë për mësimdhënësit për vlerësimin e lëndëve/moduleve
Niveli i Modulit
Pyetësorë të hartuar online për secilën lëndë/modul
Udhëzime për plotësim të ofruara nga Zyra e Cilësisë
Instrumentet e Vlerësimit
Zyra e Cilësisë përdor mekanizma dhe instrumente të ndryshme për të siguruar standarde të larta:
Indikatorët kyç të performancës (KPI)
Auditimi i brendshëm
Analiza e tregut të punës
Anketa me alumni, industri dhe bordet industriale
Anketa semestrale me studentë dhe staf akademik
Qëllimi i Përgjithshëm
Misioni i Zyrës së Cilësisë është të garantojë se proceset akademike dhe administrative të Kolegjit Riinvest zhvillohen në mënyrë transparente, me standarde të larta, duke forcuar kulturën e përgjegjësisë, përmirësimit të vazhdueshëm dhe ekselencës akademike.
Krijo vlerë!
Me gati dy dekada përvojë, Kolegji Riinvest është një institucion pionier i arsimit të lartë privat në Kosovë, i ndërtuar mbi traditën akademike dhe kërkimore të Institutit Riinvest. I njohur për përkushtimin ndaj cilësisë, inovacionit dhe partneriteteve ndërkombëtare, Riinvest përgatit profesionistët e së ardhmes për sfidat e ekonomisë globale të dijes.
I konsideruar si një nga institucionet më të respektuara të arsimit të lartë privat në Kosovë, Kolegji Riinvest bashkon mësimdhënie cilësore dhe kërkim shkencor me përvojën më të mirë akademike. Ne jemi këtu për ju!
Shiqo si mund të aplikosh!